ရုပ်ရှင်သရုပ်ဆောင် ပန်းဖြူ
ဒီသီချင်းကို သူကိုယ်တိုင် ရေးစပ်ခဲ့တာ ဖြစ်ပြီး သီချင်းမှာ ပါတဲ့ စာသား အဓိပ္ပါယ်ဟာ လူတွေ့ရဲ့ ရင်ထဲအထိ လှုပ်ခါ နိုင်ခဲ့တာကြောင့် သန်းပေါင်း များစွာရဲ့ ပါးစပ်ဖျားမှာ ရေပန်းစားနေတဲ့ သီချင်းတစ်ပုဒ် ဖြစ်လာခဲ့ပါတယ်။ ၀ါကာဝါကာ (waka waka) ဆိုတဲ့ သီချင်း ခေါင်းစဉ်ဟာ အာဖရိကနိုင်ငံ အတော်များများမှာ အသုံးပြု နေကြတဲ့ ဖန်းခ်ျ (Fang)ဘာသာစကားနဲ့ မည့်ခေါ် ထားတာဖြစ်ပြီး အဓိပ္ပါယ်ကတော့ မင်းတာဝန် မင်းလုပ်ပါ လို့ အဓိပ္ပါယ် ရပါတယ်။ ရှက်ကီရာ ၀ါကာဝါကာ သီချင်းဟာ top 100 billboard မှာ အဆင့် ၄၇ ချိတ်ခဲ့ပါတယ်။ ကမ္ဘာ့ဖလား ပိတ်ပွဲ မတိုင်မီ အဆိုတော် ရှက်ကီရာရဲ့ ကမ္ဘာဖလားနဲ့ တောင်အာဖရိက နိုင်ငံရောက် သူ့ရဲ့ အတွေ့အကြုံ တွေကို fifa.com က အင်တာဗျူး ခဲ့ပါတယ်။ ဒီအင်တာဗျုးကို ရှက်ကီရာဟာ အချိန်မရတဲ့ ကြားက ပြုလုပ်ခဲ့ရတာမို့ အတိုခြုံးလေး ဖြစ်ခဲ့ပေမယ့် သူ့ရဲ့ ခံစားချက်တွေနဲ့ ဘောလုံးနဲ့ ပတ်သက်တဲ့ သူ့အမြင်တွေ ဖော်ပြထားပြီး သူမက အချစ်ကို ခံစားတတ်လာတယ် ဆိုတဲ့ စကားလေးဟာ အလှပဆုံးနဲ့ ချစ်စရာ အကောင်းဆုံး စာသားလေး တစ်ခုလည်း ဖြစ်ခဲ့ပါတယ်။
မေး - တောင်အာဖရိကရောက် ခံစားချက်လေးတွေ ပြောပြပါလား၊
ဖြေ - တောင်အာဖရိကမှာ နေခဲ့တဲ့ တစ်လလုံးနီးပါး ကျွန်မဟာ တက်ကြွမှုတွေ၊ နိုးကြားမှုတွေနဲ့ ပြည့်နက် နေခဲ့ပါတယ်။ ဒီလဟာ ကျွန်မ ဘ၀မှာ အပျော်ရွှင်ဆုံး တွေထဲက တစ်ခုပါပဲ။ မနက် အိပ်ယာက ထတိုင်း ဘောလုံးပွဲတွေ ကြည့်ရှုဖို့ စိတ်လှုပ်ရှားစွာနဲ့ နိုးထ ခဲ့ရတယ်။ မနက်တိုင်း သတင်းစာမှာ ပါတဲ့ အားကစား စာမျက်နှာပေါ် ဘောလုံးသတင်းတွေ ဆီကိုပဲ ကျွန်မ မျက်လုံးတွေ အလျင်စလို ရောက်နေခဲ့တယ်။ ဘာကြောင့်လဲ ဆိုတော့ ကျွန်မ ဘောလုံကို အရူးအမူး ချစ်နေမိပြီလေ။ တောင်အာဖရိက နိုင်ငံသားတွေဟာ ကမ္ဘာ့ဖလားရဲ့ စိတ်ဝင်စားစရာ အကောင်းဆုံး တစ်ခုဆိုတာ အသေအချာ ပါပဲ။ သူတို့အခု အရမ်း ပျော်နေကြတယ်။ နောက်ပြီး သူတို့ရဲ့ ခံစားမှုတွေဟာ အသက်ပါပြီး ကြင်နာတတ်တယ်။ ဒီကို စရောက်တဲ့နေ့ ကတည်းက ကျွန်မ အချစ်ကို ခံစား တတ်လာတယ်။ ဒီအချစ်တွေဟာ နေ့စဉ်နဲ့အမျှ တိုးတိုး လာပါတယ်။ ဒါဟာ ကျွန်မ ဘ၀အတွက်တော့ ပထမဆုံး အကြိမ် ခံစားမှုပါပဲ။ တောင်အာဖရိက လေဆိပ်ကို ကျွန်မ စရောက်တော့ လူဝင်မှု ကြီးကြပ်ရေး အရာရှိ တစ်ယောက်က ၀ါကာဝါကာ သီချင်းကို ဆိုပြီး ကျွန်မ ကသလို ကနေခဲ့တယ်။ ဒါဟာ အနုပညာ သမား တစ်ယောက်ရဲ့ ရင်ကို ဘယ်လောက်အထိ လှုပ်ခတ် စေမလဲ။ ဒီမှာ ကျွန်မ အံ့သြဖွယ် အတွေ့အကြုံတွေ ရခဲ့ပါတယ်။
မေး - ရှက်ကီရာ ဘောလုံးပွဲတွေကိုရော ကြည့်ဖြစ်ခဲ့လား။
ဖြေ - ၃ပွဲ ကြည့်ဖြစ်ပါတယ်။ အဖွင့်ပွဲ ဖြစ်တဲ့ မက္ကဆီကိုနဲ့ တောင်အာဖရိက ပွဲရယ်၊ အာဂျင်တီးနာနဲ့ နိုက်ဂျီးရီးယား ပွဲရယ် နောက်ပြီး စပိန်နဲ့ ပါရာဂွေး ပွဲတွေ ကြည့်ဖြစ်ခဲ့ပါတယ်။ မနက်ဖြန်တော့ စပိန်နဲ့ ဟော်လန်ပွဲ ကြည့်မယ်။
မေး - ရှက်ကီရာ အားပေးတဲ့ အသင်းတွေကို ရှိလား။
ဖြေ - ရှိတာပေါ့ ဘာလို့ မရှိရမှာလဲ။ ကျွန်မက လက်တင် အမေရိက အသင်းတွေကို အားပေးပါတယ်။ ကမ္ဘာ့ဖလား တိုင်းမှာ သူတို့ ကစားပုံဟာ အရမ်းကို အံသြဖို့ ကောင်းအောင် ကောင်းကြတယ်လေ။ အာဂျင်တီနား၊ ဥရုဂွေး၊ ပါရာဂွေးနဲ့ ဘရာဇီးလ် အသင်းတွေပေါ့။ စပိန် အသင်းရဲ့ ကစားပုံကလည်း တော်တော် ကောင်းပါတယ်။ စပိန် အသင်းကိုလည်း အားပေးတယ်။ ဒါကငါ့ရဲ့ မျိုးချစ်စိတ် ဆိုတဲ့ အသိနဲ့ပေါ့။ ကျွန်မက စပိန်သွေး ပါတယ်လေ၊ ဒါကြောင့် စပိန်ကို အားပေးရမှာပေါ့။
မေး - ဗိုလ်လုပွဲမှာ ဘယ်အသင်း နိုင်မလဲ ခန့်မှန်းပေးပါလား။
ဖြေ - အင်း ကျွန်မ မခန့်မှန်းရဲဘူး။ ဒါပေမယ့် ရေဘ၀ဲလေး ပေါလ်ကိုတော့ ယုံကြည်သင့်တယ် ထင်တယ်။ ပေါလ် ရဲ့ ခန့်မှန်းချက် နောက်ပဲ ကျွန်မလိုက်ရင် ကောင်းမယ်ထင်တယ်။
မေး - Freshlyground အဖွဲ့ ထံကနေ လေ့ကျင့်မှုတွေ၊ ကကွက်တွေ သင်ယူ ခဲ့ရတာတွေ ကောရှိလား။
ဖြေ - အသေအချာကို ရှိတာပေါ့။ Freshlyground အဖွဲ့ဟာ တကယ်ကို အံသြစရာ ကောင်းတဲ့ ဂီတအဖွဲ့ပဲ။ ဇိုလန်နီရဲ့ အသံက အရမ်းကို ထူးခြားတယ်။ သူတို့ရဲ့ ၀တ်စား ဆင်ယင်မှုကို ကျွန်မချစ်တယ်။ နောက်ပြီး မတူညီတဲ့ သက်ရောက်မှု တွေနဲ့ ပေါ့ပ် ဂီတကို ဘယ်လို ပေါင်းစပ်ထားသလဲ ဆိုတာ စိတ်ဝင်စားဖို့ အရမ်းကောင်းပါတယ်။ သူတို့အဖွဲ့နဲ့ တွဲပြီး သီဆိုရတာ အရမ်း ကျေနပ်မိတယ်။
မေး - ရှက်ကီရာ အတွက် ကမ္ဘာ့ဖလားရဲ့ အကောင်းဆုံး အမှတ်တရက ဘာတွေဖြစ်မလဲ။
ဖြေ - အင်း.. ကျွန်မအတွက် အမှတ်တရ အရှိဆုံး အရာက အာဂျင်တီးနားနဲ့ နိုက်ဂျီးရီးယား ပွဲကြည့်ဖို့ အသွား လမ်းမှာပေါ့။ လမ်းမပေါ်မှာ လူတွေ အများကြီးကို ကျွန်မ တွေ့လိုက်ရတယ်။ သူတို့ဟာ ကားတွေပေါ်က ဆင်းလာပြီး ၀ါကာဝါကာ သီချင်းကို ဆိုပြီး ကျွန်မ ကားနားမှာ ကကြတယ်။ ကျွန်မကို အားလုံက လာဖက်ကြတယ်။ ဒီလထဲမှာ လူ တော်တော်များများရဲ့ နွေးထွေးတဲ့ ပွေ့ဖက်မှုတွေ ရခဲ့တယ်။ သူတို့ဟာ အရမ်းကြင်နာ တက်တာပဲ။ အချိန်တိုင်း သူတို့ မျက်နှာတွေမှာ အပြုံးတွေကိုပဲ မြင်တွေ့ ခဲ့ရတယ်။ ဒီအပြုံးတွေဟာ ကမ္ဘာဖလားကို ပိုမို သရုပ်ပေါ်စေတယ်။ ဘောလုံးပွဲ အပြီးမှာ နှစ်ဘက် ကစားသမားတွေဟာ အချင်းချင်း ပွေ့ဖက်ကြတယ်။ အဲဒီလိုပဲ ပရိသတ်တွေ ဟာလည်း ပြိုင်ဘက် အသင်းရဲ့ ပရိသတ် ဖြစ်ပေမယ့် ဘောလုံးကို ချစ်တဲ့ သူတို့ စိတ်တွေဟာ တညီတညွတ် ထဲပဲ။ ဒါဟာ တောင်အာဖရိကမှာ ကမ္ဘာ့ဖလား ကျင်းပခဲ့တဲ့ ရလဒ်လို့ ထင်တယ်။
သက်ရှိထင်ရှား နာမည်ကျော်များအနက် Facebookတွင် အားပေးထောက်ခံသူ Fanအရေအတွက် ပထမဆုံး (၁၀)သန်းပြည့်သော စံချိန်အား လေဒီဂါဂါက တင်လိုက်နိုင်ပြီဖြစ်သည်။ ထို့ကြောင့်လည်း အသက်(၂၄)နှစ်ရှိ အမေရိကန် Popအဆိုတော်လေးသည် ကမ္ဘာကျော် Social Networking ၀က်ဘ်ဆိုက်တွင် Fanအရေအတွက် (၁၀)သန်းကျော်ရှိသည့် သက်ရှိထင်ရှား ပထမဆုံးသော လူပုဂ္ဂိုလ် ဖြစ်လာခဲ့သည်။ ဂါဂါမတိုင်မီက Popဂီတ နာမည်ကျော် အဆိုတော်ကြီး မိုက်ကယ်ဂျက်ဆင်သည်လည်း Fanဦးရေ (၁၀)သန်းပြည့်ခဲ့ဖူးသော်လည်း ပြီးခဲ့သည့်နှစ်က ကွယ်လွန်သွားခြင်းကြောင့် ဂါဂါတစ်ဦးသည် အသက်ရှင်လျက် ရှိနေသူများအနက် ပထမဆုံး Fan(၁၀)သန်းပြည့်သူအဖြစ် ရပ်တည်နေနိုင်သည်။ အမေရိကန် သမ္မတ ဘာရတ်အိုဘားမားမှာလည်း ယခုအခါ Fanအရေအတွက် (၁၀)သန်းကျော်သွားပြီ ဖြစ်သေ်ာလည်း ဂါဂါက (၁.၂)သန်းမျှ အသာရနေသည်။ ဂရမ်မီဆုရှင် Poker Faceစတား ဂါဂါသည် ဇူလိုင်လ (၇)ရက်နေ့ စာရင်းအရ Fanအရေအတွက် (၁၁.၂)သန်းပင် ကျော်သွားပြီဟု သိရသည်။ ဂါဂါက သူမကို အားပေးထောက်ခံသည့် Facebookမှ ပရိသတ်များအား ကျေးဇူးတင်ရှိကြောင်း ပြောကြားခဲ့သည်။
